Fréttir

Í júní verður boðið upp á tvö trampólín námskeið fyrir börn á aldrinum frá 6-14 ára (2009-2018) í fimleikahúsinu við Giljaskóla. Fyrra námskeiðið er 4 dagar eftir hádegi 13:00 - 17:00 og seinna námskeiðið er 5 dagar eftir hádegi frá kl. 13:00 - 17:00. Trampólínnámskeiðin verða haldin á eftirfarandi dagsetningum: 1: 18-21 júní. (4 dagar) kl. 13:00-17:00. 2: 24-28 júní (5 dagar) kl. 13:00 - 17:00. Verð fyrir 5 daga námskeið er 15.000 kr. og 12.000 kr. fyrir 4 daga námskeið. Á námskeiðunum verða þátttakendur þjálfaðir í trampólín íþróttinni. Þjálfunin er einstaklingsmiðuð og fer eftir getu og þroska hvers og eins þátttakanda. Það verður farið í öryggisatriðið og undirstöðuatriði íþróttarinnar með öllum þáttakendum en eftir það miðast þjálfunin við hvern og einn. Á námskeiðunum leggjum við upp með hvetjandi umhverfi, og munum haga þjálfuninni í samvinnu með þáttakendum frekar en að keyra stífan aga. Þátttakendur munu því hafa mikið persónulegt rými og stýra eigin þjálfunarhraða. Þó þurfa þátttakendur að hlusta á þjálfaran og fylgja þeim reglum sem þeim eru settar. Athugið að trampólín námskeiðið er einskorðað við trampólínþjálfun og það verður ekki frjáls notkun á öðrum búnaði í fimleikahúsinu nema ef þjálfara leyfa slíkt. Hverjum degi verður deilt upp á eftirfarandi hátt: 1: Upphitun 2: Þjálfun í trampólíni 3: Morgunkaffi 4: Létt upphitun/leikir 5: Þjálfun í trampólíni 6: Frjáls tími og leikir. Þátttakendur þurfa að vera í þykkum íþróttasokkum á trampólínunum eða fimleikaskóm. Annars er engin formlega krafa um klæðnað annað en að fötin þurfa að vera laus við rennilása og annað dinglumdangl. Gott er að vera í síðum aðskornum íþróttabuxum og þunnum langermabol en það má gjarnan mæta í fimleikafötum, stuttbuxum og öðru slíku. Það verður líklega hlýtt í fimleikahúsinu svo að þykk föt verða líklega til trafala. ATH að þáttakendur mega ekki vera með skartgripi eða úr þegar þú þjáfla trampólín. Þátttakendur þurfa að taka með sér nesti fyrir kaffipásu og vatnsbrúsa. Skráning fer fram í gegnum Abler: Skráning á Trampólínnámskeið. Fjöldi þátttakenda miðast við 10 á hvoru námskeiði og einnig áskiljum við okkur rétt til þess að fella námskeiðið niður ef það verður ekki næg þátttaka. Umsjón með námskeiðunum hefur Tómas og nánari upplýsingar er hægt að fá á tölvupóstfanginu buchdal@gmail.com og á facebook síðunni Trampólín á Akureyri.

Í Júní býður Fimleikadeild KA upp á fim-leikjaskóla fyrir 7-10 ára krakka (2014-2017). Leikjaskólinn verður frá kl. 8:00 - 12:00 alla virka daga og stendur yfir í viku í senn, fyrsta vikan er styttri vegna skólaslita í grunnskólum og vika 3 er bara 4 dagar því 17.júní kemur inn í hana. Leikjaskólinn fer fram í íþróttahúsi/fimleikahúsinu við Giljaskóla. Eftirfarandi dagsetningar eru í boði : Vika 1 : 5.-7. júní Vika 2: 10.-14. júní Vika 3 : 18.-21.júní Vika 4 : 24.-28.júní Vikan kostar 14.900 kr nema vika 1 og 3 þær eru ódýrar vegna færri daga. Námskeiðin samanstanda af fimleikaæfingum og ýmsum leikjum, bæði úti og inni. Krakkarnir þurfa að hafa með sér hollt og gott nesti fyrir morgunkaffi og vatnsbrúsa! Fyrir nánari upplýsingar má senda póst á fimleikar@ka.is Við minnum á Leikjaskólinn er EKKI barnapössun, þetta er leikjanámskeið þar sem ætlast er til að krakkar taki þátt í því starfi og leikjum sem við erum í hverju sinni. ATH að takmarkað pláss er á námskeiðunum. Einnig áskilur Fimleikafélagið sér rétt til að fella niður námskeið ef það er ekki næg þátttaka. Alexandra, skrifstofustjóri FIM.KA og Sonja Dags, formaður deildarinnar verða með yfirumsjón yfir leikjaskólanum.

Fimleikadeild KA og Artis tannlæknastofa hafa gert með sér styrktarsamning til eins árs. Við þökkum Artis kærlega fyrir stuðninginn sem skiptir deildina gríðarlegu máli og mun koma sér vel, takk!

Stjórn Fimleikadeildar KA boðar til aðalfundar miðvikudaginn 24.apríl kl 20:00. Fundurinn verður haldinn í fundarsal KA Dalsbraut 1. Áhugasamir eru vinsamlegast beðnir að senda tilkynningu um framboð á formadur@fimak.is

Akureyrarfjör fer fram um komandi helgi, þar fá iðkendur frá grunnhópum og upp tækifæri til að taka þátt og keppa á stórkemmtilegu innanfélags móti. Hér má sjá dagskrá og mótaskipulag mótsins

Um helgina fór fram GK mót í hópfimleikum. 4. flokkur I4 tók þátt og stóð sig mjög vel. Fim.KA óskar iðkendum og þjálfurum til hamingju með árangurinn.

Búið er að ráða yfirþjálfara karla í áhaldafimleikum og hefur hann þegar hafið störf hjá okkur í Fim.KA.

Þrepamót 2, fyrir 4. - 5. þrep haldið hjá Fjölni.

Þrepamót 1 í áhaldafimleikum var haldið síðustu helgi hjá fimleikafélaginu Björk.

María Sól Jónsdóttir valin í úrvalshóp kvenna í áhaldafimleikum 2024