Fréttir

Skráning er hafin í krílahópana fyrir vorönn 2022 Fimleikafélag Akureyrar verður með íþróttaskóla fyrir börn fædd 2016-2019 Hóparnir kallast S-hópar og æfa 1x í viku á laugardögum. Æfingar hefjast laugardaginn 8.janúar Yfirþjálfari er Ármann Ketilsson ásamt hjálparhellum

Jóhann Gunnar Finnsson, 17 ára og Gísli Már Þórðarson, 16 ára voru valdir í 20 manna blandað unglingalandslið í lok júní á þessu ári. Þeir hafa æft stíft síðan þá, og dvalið tölvert mikið fyrir sunnan. Þeir voru í æfingabúðum á Akranesi síðastliðið sumar. Í september og október voru langar æfingahelgar hjá strákunum fyrir sunnan. Þeir þurftu svo undir það síðasta að dvelja eingöngu fyrir sunnan, þar sem æft var fimm sinnum í viku, þrjár klukkustundir í senn.

Tekin hefur verið ákvörðun um að fella niður allar æfingar hjá FIMAK fram til fimmtudagsins 7.október vegna fjölgunar á Covid smitum á Akureyri. Tekin verður staðan aftur um miðja viku og ákveðið þá framhaldið. Gerum þetta vel og gerum þetta saman

Áhorfsvika Í upphafi hvers mánaðar, 1. til og með 7. hvers mánaðar, eru foreldrum, systk. ömmum og öfum velkomið að sitja inn í sal á meðan á æfingu stendur og horfa á . Hinar vikurnar biðjum við ykkur að bíða fram í anddyri hússins ef þið ætlið að bíða eftir börnum ykkar á meðan æfingu stendur. Þetta hefur reynst mjög vel fyrir iðkendur, þjálfara og ekki síst aðstandendur.Ef af einhverjum ástæðum þið komist ekki umrædda viku þá endilega talið við þjálfara hópsins um að fá að vera inni utan þess tíma sem getinn er. Ef þið eruð með lítið barn með ykkur þegar þið horfið á vinsamlegast passið að það sé EKKI inn á æfingasvæðinu það getur skapað hættu því hraðinn á iðkendur er mikill í hlaupum og slys geta orðið. ATH.Grímuskylda er á áhorfsvikunni, skrá þarf nafn, kennitölu og símanúmer áður en gengið er inní salinn. Skráningarblað verður aðgengilegt í forstofunni.

Í upphafi haustannar býður fimleikafélagið upp á prufutíma. Nokkur pláss eru laus hjá félaginu og því tilvalið að prófa tíma. Fimleikar eru frábær grunnur að hreyfingu þar sem æfingar eru blanda af styrk, þoli, teygjum og tækni. Nokkrar greinar fimleika eru í boði hjá félaginu og má þar nefna leikskólahópana, grunnhópa, áhaldafimleika, hópfimleika og Parkour. Félagið leggur mikla áherslu á menntun þjálfara og tekur virkan þátt í að senda ráðna þjálfara á þjálfaranámskeið sem haldin eru á vegum Fimleikasambands Íslands ásamt því að taka almenn þjálfaranámskeið á vegum ÍSÍ. Skráningar í alla hópa nema laugardagshópa fara fram í gegnum skráningarform á Sportabler ýmist beint í viðeigandi hóp eða í gegnum nýskráningu.

Fimleikafélag Akureyrar verður með íþróttaskóla fyrir börn fædd 2016-2019 Hóparnir kallast S-hópar og æfa 1x í viku á laugardögum. Æfingar hefjast laugardaginn 4.september. Yfirþjálfari er Ármann Ketilsson ásamt hjálparhellum

Það er venja fimleikafélagsins að veita viðurkennigar í lok vetrar og hafa þessar viðurkenningar verið veittar á vorsýningu félagsins. Þar sem vorsýning félagsins fór ekki fram sökum fjöldatakmarkanna þá ákváðu þjálfarar í hópfimleikum að færa iðkendum viðurkenningarnar heim að dyrum. Viðurkenningarnar eru veittar fyrir ástundun og virkni annars vegar og mestu framfarir hins vegar. Valið var mjög erfitt eftir veturinn enda mismikið hægt að leggja stund á íþróttina vegna þeirra hamla sem hefur verið í heimunum öllum.