Æfingagjöld

Skráning iðkenda og greiðsla æfingagjalda fer  öll í gegnum félagakerfi Sportabler. Tilkynning er send þegar æfingagjöld  eru komin inn.

Skilyrði er að gengið sé frá greiðslu æfingagjalda í upphafi tímabils. Allir iðkendur eru sjálkrafa skráðir áfram. Kjósi iðkandi að hætta æfingum verður úrsögn að berast með tölvupósti á netfangið  skrifstofa@fimak.is. Ef úrsögn berst ekki skrifstofu skriflega með tölvupósti verða æfingagjöld innheimt sem nema gjaldi fyrir einum mánuði. Það er á ábyrgð forráðamanna að tilkynna úrsögn, tilkynning til þjálfara iðkendans verður ekki tekin gild.

Hægt er að skrá beint inn í leikskólahópana, í aðra hópa þarf að nýskrá. Haft verður samband við iðkanda/foreldra/forráðamenn þegar búið er að finna réttan hóp.  

Ef nota á Frístundastyrk sveitarfélags sem greiðslu fyrir námskeið þarf að merkja við það sérstaklega á greiðslusíðunni. Þá birtist lína og hægt er að haka við “Nota Frístundastyrk – nafn sveitarfélags“og þá færist inn upphæð styrks sem viðkomandi iðkanda á rétt á , í sumum tilvikum geta foreldrar/forráðamenn breytt upphæð og ráðstafað upphæð að eigin vali.

Hægt er að velja um tvennskonar greiðslumáta í fellistiku, kreditkort og greiðsluseðla og skipta gjaldinu í allt að 4 mánaðarlegar greiðslur (fjöldi skipta er háð heildarupphæð). Umbeðnir greiðsluseðlar birtast í netbanka viðkomandi forrráðamanns. Fyrir hvern útgefin greiðsluseðil innheimtist sérstakt seðilgjald kr. 390. Allar greiðslur fara um kerfi kreditkortafyrirtækja á öruggum síðum, FIMAK geymir engar slíkar upplýsingar.  Ef þið lendið í vandræðum, eða hafið fyrirspurnir um skráningu þá vinsamlegast hafið samband; skrifstofa@fimak.is.

Þegar valið hefur verið greiðslumáti og viðeigandi upplýsingar settar inn er mikilvægt að kynna sér og haka við í kjölfarið „Samþykki skilmála” og samþykkja með greiðslu.

Frestur til að ganga frá æfingagjöldum í Sportabler er til 15. september á haustönn og 20. janúar  á vorönn.  Eftir það áskilur FIMAK sér rétt til að setja æfingargjöldin á þrjá greiðsluseðla og bætist þá við seðilgjöld og/eða annar umsýslukostnaður ef bakfæra þarf reikning.  Komi til að senda þurfi æfingagjöld út þá er ekki hægt að nota frístundastyrk.

Ef iðkandi flytur sig yfir í annan hóp áskilur FIMAK sér að senda rukkun ef æfingagjöld þess hóps eru hærri. Ef iðkandi fer í hóp með lægri æfingagjöld fær iðkandi inneign hjá FIMAK sem hægt er að nota á næsta tímabili. Ef iðkandi hættir verður inneign greidd út.

Æfingagjald miðast við þann æfingatímafjölda sem hópur viðkomandi iðkanda æfir á viku. Ekki er veittur afsláttur frá æfingagjaldi vegna árekstra í æfingatöflu við aðrar íþróttagreinar eða tómstundir. - Mótagjöld og kostnaður vegna keppnis-og æfingaferða eru ekki innifalin í æfingagjaldi.

Æfingagjöld eru ekki endurgreidd ef iðkandi hættir eftir að einn mánuður eru liðinn af önninni. Iðkandi sem æfir fjórar vikur eða skemur greiðir sem nemur gjaldi fyrir einn mánuð. Hægt er að sækja um undanþágu frá þessu ef um búferlaflutning, alvarleg veikindi, slys eða langvarandi meiðsl er að ræða. Iðkendur eru vinsamlegast beðnir að skila inn læknisvottorði vegna langvarandi meiðsla.

 

 

Verðskrá vorönn 2024

                                Birt með fyrirvara um breytingar og innsláttarvillur.
Æfingahópur Vikufjöldi Æfingagjald   Leyfisgjöld FSÍ

 Meistarafl KK

22     188.300 kr

   2.550 kr 

 Meistarafl F
22     164.000 kr    2.550 kr 
K1 22     158.200 kr    2.450 kr
 F1 22     150.000 kr    2.450 kr
 i1 22     148.000 kr    2.550 kr

 F2, K2, i2

22     144.200kr    2.450 kr
 i3 22     138.600 kr    2.450 kr
 i4  19     113.400 kr    2.450 kr
 F3, K3  19     99.400 kr    2.450 kr
 i5  19     97.200 kr    1.950 kr
 F4, M1  19     91.800 kr    1.200/1.950kr
 P1, P2  19     77.700 kr    1.950 kr
 A1, F5  19     77.700 kr
   1.200 kr
 P3  19     66.000 kr    1.950 kr
 A2, A3  19     66.000 kr    1.200 kr
 S4  17     31.000 kr    1.200 kr
 S1,2,3  17     26.700 kr    800 kr

 

  • Leyfisgjald FSÍ. Breytingar voru gerðar  vorið 2016 og leyfisgjald sett á með lagabreytingum á Fimleikaþingi. Leyfisgjöldum er skipt í gull, silfur, brons og kopar og eru mishá eftir því hvar iðkandi er staddur í Íþróttinni. 
 
  • Leyfisgjöld eru innheimt á hverri önn. Gjöldin rukkast aukalega með æfingargjöldunum

 

Afsláttur

Systkinaafsláttur er 10% sem reiknast á meðaltal heildaræfingargjalds systkina. Systkynaafsláttur gildir bara á systkynum innan fimleikadeilarinnar.
Dæmi barn 1 – námskeið kostar 50.000kr   barn 2 – námskeið kostar 40.000kr. Meðaltalið er 45.000kr og reiknar afslátturinn af þeirri upphæð. Afslátturinn reiknast sjálfkrafa við skráningu en afslátturinn kemur fram við greiðslu á öllum iðkendum eftir þann fyrsta. Þegar greitt er fyrir fyrsta barn reiknast enginn afsláttur en þegar greitt er fyrir næsta reiknast afslátturinn á meðaltal æfingagjalda barns eitt og tvö. Sex vikum eftir að önnin hefst dettur systkinaafslátturinn út úr kerfinu.  
Ekki er reiknaður systkinafsláttur af leyfisgjöldunum.